"Felipe díxolle: Señor, móstranos ao Pai e abóndanos."

A curiosidade esperta e dirixe obstinada e ambiciosa a súa mirada cara o alto.

" Xesús replicoulle: pero, Felipe, levo tanto tempo convosco e aínda non me coñeces? Quen me viu a min, viu o Pai."

O peso das relacións humanas, medido en amor comprometido, axúdanos a descubrir a presenza divina mirando de cerca.

"Con toda verdade vos aseguro: quen cre en min, fará el tamén as obras que eu fago, e faraas meirandes aínda, pois estou para irme onda o Pai."

Misterio? Rozamos a Deus escoitando a Xesús e fixando os ollos nos pequenos, nos pobres e nos desventurados do mundo. Xuntos e collidos da man iremos onda o Pai.

"Se algo me pedides no meu nome, eu fareino."

No nome de Xesús combatamos todas as pobrezas que nos impiden crer e arruínan as nosas vidas.

#QuedaNaCasa

#RezaNaCasa

Pin It